Գրապպա. Պատմական ճանապարհորդություն դեպի իտալական ալկոհոլային խմիչքի ծագումնաբանություն

Ասում են, որ Գրապպայի պատմության արմատները սկիզբ են առնում մետաֆիզիկական ալքիմիական որոնման մեջ՝ հողի, կրակի, ջրի և օդի հետ դասական տարրի հետ միասին։ Հույներն այդ տարրն անվանում էին եթեր կամ մաքուր, և ենթադրում էին, որ դա տիեզերքի այն հատվածի նյութն է, որտեղ ապրում էին Աստվածները:

Այս խմիչքը հիմնականում ստեղծվում էր գինիի թորումից, իսկ առաջին անգամ ի հայտ է եկել, երբ իտալացիներն իրենց ուշադրությունն են ուղղել գինու համար խաղողի տրորումից հետո մնացած կեղևներին և սերմերին։ Ահա այսպես է ծնվել շատերիս կողմից սիրելի Գրապպան։

Ճշտգրիտ թվականը, թե երբ է Գրապպան ի հայտ եկել, հայտնի չէ։ Սակայն թորումը ծագել է Մերձավոր Արևելքում 8-րդ դարում, հետագայում՝ 1100-ականներին, տեղափոխվել Եվրոպա։

14-րդ դարի որոշ գրավոր վկայություններ խմիչքի ծագումը վերագրում են իտալական Ալպերի՝ նախալեռների և Տրենտինո-Ալտո Ադիջեի և Վալ դ'Աոստայի հյուսիսային շրջանների հետ: Իսկ 15-րդ դարի վերջում լիցենզավորվեց Գրապպայի արտադրությունը: Վաղ թորողները ոգելից խմիչքներ էին պատրաստում գինի տաքացնելով, հետևաբար առաջացել է «կոնյակ» բառը «այրված գինի» տերմինից: Իսկ 16-րդ դարում յուրացվել է հացահատիկից պատրաստված խյուսի թորումը։

Վերածնունդ և Գրապպա Խմիչք

Միջնադարում թորման գործընթացն Իտալիայում տարածված էր քիմիկոսների կողմից, իսկ մի քանի դար հետո այն նաև տարածում գտավ մառաններում։ Առաջին բժիշկը, ով հիշատակեց Գրապպայի թորումը՝ Միքել Սավոնարոլան էր։ Քանզի, ոգելից խմիչքներն ի սկզբանե համարվում էին ոչ թե հաճելի ըմպելիք, այլ դեղամիջոց։ Նրանք հիմնականում օգտագործվում էին մարսողությունը խթանելու, կամ հանգստության զգացում ձեռք բերելու համար։

Մեր սիրելի Գրապպայի պատմության առանցքային պահը եղել է 17-րդ դարում, երբ Վենետիկում ստեղծվել է առաջին Corporazione degli Acquavitieri-ն: Այսպիսով խմիչքի արտադրությունը դարձել է բավականին հետևողական, հատկապես երկրի հյուսիս-արևելքում, այն տարածքում, որտեղ դեռևս այսօր Գրապպան ունի առավելագույն արտադրությունը:

Նոնինո Ընտանիքի Ազդեցությունը

Գրապպայի կերպարը կտրուկ փոփոխության ենթարկվեց Նինինո ընտանիքի կողմից։ Գաղտնիքը Ջաննոլա Նոնինոի՝ Ninino թորման գործարանն էր, որը 1897 թվականից սկսեց արտադրել խմիչքի այս տեսակը։ Գործարանը գտնվում էր Պերկոտո Իտալիայում, որտեղ թորման գործընթացը ձեռք բերեց հետաքրքիր հավելումներ։ Ի տարբերություն խաղողի մնացորդների սովորական թորումից՝ Ջանոլլան Գրապպան  էր արտադրում մեկ խաղողի տեսակից։ Նա ձգտում էր ստեղծել որակյալ ըմպելիք, որն ունակ կլներ մրցակցել ֆրանսիական eaux-de-vie խմիչքի հետ։

1973-թվականի իր արտադրանքից, նա վաճառեց շատ քիչ, սակայն չհանձնվելով՝ նա իր խմիչքը սկսեց անվճար առաջարկել լրագրողներին և ռեստորաններին։ Նա խնդրեց մարդկանց մատուցել այն կարևոր կոմերցիոն և կառավարական ընթրիքների ժամանակ: Հարկ է նշել, որ երբեմն նա ինքն էր լցնում խմիչքը և պատմում դրա պատմությունը։

Խելացի մարտավարության շնորհիվ Ջանոլլան ձեռք բերեց ուշադրության նոր ալիք։

Գրապպայի Խաղողը

Խաղողի տեսակը, որից պատրաստվեց առաջին Գրապպան՝ Picolit խաղողի տեսակն էր։ Իսկ այսօր, այս խմիչքի արտադրման համար օգտագործվում է ավելի քան մեկ տասնյակից ավելի խաղողի տեսակ, որոնք կոչվում են «մոնովիտինո» գրապպաներ: Տերմինը հորինել է հենց տիկին Նոնինոն։

1984 թվականին, Նոնինո թորման գործարանը ստացավ կառավարության հավանությունը և սկսեց արտադրել ավելի որակյալ գրապպա՝ պատրաստված ամբողջական մրգերից: